انا الغلبان لو تسمع انا الغلبان لو تبصر انا الغلبان لو تشعر
انا اللى فى الطاحونه داير وبين الراحتين مطحون .
انا اللى بأسمى بتهتف عشان توصل وأول ما توصل تنسانى وتفتكر اسمك
انا بالنسبه ليك سلم تطلع عليه عشان تعلى وأول ما تعلى ترمى السلم عشان بقى ليك جناحين بطير .
الجوع بالنسبه ليك كلمه او شفقه على اللى جعان
والجوع بالنسبه ليا حياه مفيش طقه بقوم شبعان .
المرض بالنسبه ليك زاير وبالنسبالى عندى مقيم
اصلك هتجيب الدوا وتتعالج لكن عندى مفيش دوا واديه قاعد
ولأنك فى البلد واصل ليك الف مستشفى وانا المسكين ليا دور استنى فيه لموت لاشفى .
انا اللى بِتاحر بصوتى لما تحتاج انت صوتى وانا اللى بِتطلب سكوتى يووم ما بطلب بيه حقوقى .
انا اللى ما ليا مستقبل واديها حياه بقضيها وداير فى ساقيه
اصل اهلى غلابه وبلدنا نصابه ومفيش مستقبل غير للأهله ملوك .
انا اللى اهتف واثور على الظلم ودمى بسيل ويروى الارض
وانت تيجى تركبها وتعمل فيها ثاير وانت دايس على رقبتى وانا عايش ووانا ميت تبيع الدم .
انا الغلبان انا الغلبان اللى مليش صوت وانا ميت ولا وانا حى .
هبةالله وحيد
ليست هناك تعليقات:
إرسال تعليق