أنا الإنسان

أنا الإنسان في كل مكان
أنا الكاره وأنا العشقان
أنا الحزين وأنا الفرحان
انا بجرى وأنا البطير
وأنا البعوم وأنا الغرقان
انا الفاعل وانا القايل
وانا الناسى وانا الفاكر
انا البثور وانا المقهور
انا الظالم وأنا المظلوم
انا القاتل وانا المقتول
انا المهموم وانا المحروم
وانا الغنى وانا المفترى
أنا كل حاجه وعكسها
انا كل كلمه وضدها
نقول أقدار وليه بيحتار
وفيه نصيب وفيه مقسوم
وفى الاخر انا الإنسان
أنا الحر انا بختار
انا بختار

هبة الله وحيد

اعتقنى

ولن استجدى فيك الشوق فإن كان موجودا ما كنت تتركنى

ولن استجدى فيك العطف فإن كان موجوداً ما كنت تقتلنى 

ولكن ابحث فى ثنايا قلبك عن روحى وأن استطعت ان تخرجها 

فاعتقنى .

مدينتى الفاضله حيث كل شئ كما يجب ان يكون

لا ياتى اليأس الا بعد كثير من الامل وبعد الاقتناع بالفكره والتصديق انها على وشك ان تتحقق وبعد ان ترى المؤشرات التى تدل على ذلك ، وبعد رؤيتنا لما لم نتخيله يتحقق بقيام الثورات العربيه وسقوط الانظمه الديكتاتوريه وتنفسنا الحريه لبعض الوقت وصدقنا كذبة الديمقراطيه المزعومه افقنا على واقع مرير لم يتغير فيه شئ كنا نحن الحلقه الاضعف فيه ،تلك الفئه المضحوك عليها الملعوب بها التى وقفت لتشاهد حلما ينهار وتجربه تموت قبل ان تكتمل .
فحل اليأس والسخط وتمكن الاحباط من النفس .
وجاء تخيلى لمدينتى الفاضله محاوله منى للهروب من الواقع وستضح ملامح تلك المدينه اكثر فأكثر مع كل انتهاك يحدث فى مدينتى الموازيه (الحقيقيه ) .
انتظروا سلسلة مدينتى الفاضله .

ازمة كاتب

اصعب حاله على كل واحد بيحب الكتابه اوى انه يكون نفسه يكتب وفكره مش مطوعه ولا افكاره مترتبه ويلاقى الكلام بيهرب من على لسانه وكأن فى حاجز كبير بينه وبين الكتابه  كأن الكلام زعلان والقلم مخاصم والورق مهجور .
واكيد كل واحد مر بحاله مشابهه لكده ياريت نحاول نساعد بعض اننا نعدى الازمه ديه فعلا ازمه ميحسهاش الا اللى بيتعب وهو بعيد عن اكتر حاجه بيحبها  .